صبــاح النــوير

صبــاح النور و النوير ;D

الواحد مادري ليش لي إستانس يصير ما يبي يسوي شي يخرب عليه وناستـه :$

من أمس حدي اللي مستانســــه و الــمود عال العــال

فـ ما حبيت أخرب وناستي على صيفي و سخافة دكاتره

قلت اسحب عل دوام و أجابل بلوقي شويه ;p

حابته هاليومين الله لا يغير علينـا

;D

,

لأنــك أنت معي لأنــك أنت من ينتشلني من تعاستي

و يُغرقنــي في بحر حُبــه ! أكثر لهفه و غرور أمســي بقربــك

,..RoOra..,

الواحد ساعات من وناسة شخص يحبه يصير أهوه مستانس أكثر منه يمكــن

!

صعب صعب تشوف شخص عزيز عليك .. شخص تموت بهواه متضايق, متكدر من شغله

حتى لو كنت مستانسه حزتها ... تصير وناستي مالها طعم

......

وايـــد أحب أسمع رويشد إنزين :$

في أغنيه يقول

"على كثر العيون اللي ضحكتلي ...ما بجتلي عيــن"

OucH!!!

متخيلين انكم تكونون بدنيــا حزت ضيقتكم ما تلقون احد يمكم ! ما تلقون شخص يخاف عليكم أكثر من روحه

,

كِل ما سمعت هالأغنيه اقعد أعد جم شخص أهمه و بجى عشاني ! عشاني أنــا بس .. أو تضايق من ضيقتي ...

;p~و الحمدالله الخير وايــد

1.

.. أُمـي على كثر ما إني شاقيتهـا و حدي مأذيتها على دعالتي .. بس حياتي والله ما تحب تشوفني متضايقه أو مطنقره عليها:$

صج المواقف وايد وايد خصوصا مع أمي .. و بعد عمري يا ما إنزلت دموعها بسبتي

:$ الله يحفظها و يطولي بعمرهــا حقي بروحي

2.

.. رفيجة عمري .. معنها فاجه هاليومين عني بس هم ما ألومها انا الشسمه :$

إيــه عاد أقولكم ..

متخيلين انه صار بينا موقف و إحنا نوعنا عمرنا ما تهاوشنا مشالله .. المهم متخيلين انه بجت و بجتني بس بسبت موقف صار حست اني صرت بعيده عنهـا !! بجت عشاني عشان ما تفقدني

it's will never be fOrgettable ;*

,,,

اليوم حدي بقرقر على مخكم فيني طــاقه تحملوا ;p
معنه محد يقرى بوستاتي :( ما عدى ليدي رين

و من هالمنبر اقولج تسلمين والله على هالمتابعه

:D

شفيها إذا الواحد شره تفاخيه على شكل بطه ؟

!

بذمتكم مو حلوه :$

,,,

أكمل سوالف

... صارلي موقف اني كنت بمكان حسيت كل اللي فيه إخواني و خواتي

و الوضع حده حلو ...

بس تفاجأت إنه حجي مو حلو يطلع علي !

إنه مو حلوه احد يطلع إشاعه و يتداولها الكل و تبدي النغزات

حزت بقلبي السالفه . انه اوكي صار بيني و بين احد موقف

مافي داعي تشوهين صورتي

... معني واثقه من روحي اشد الثقه بس هم تحز بالخاطر .

,,,,

بخــــــــــاطري أشتغل

:"(

حاسه روحي ياهل !

جم وحده من رفيجاتي بلشوا ميداني و بيتخرجون

و أختي اشتغلت

و ناس وايد اشتغلوا ;pP~

إنه انــا بعد أبي شنو شمعنه انا ادرس و أنكرف و أتحمل ملاقة الدكاتره

ولوية البروجكتات

أبي مكتب و لابتوب و بس اشتغل

:(

عاد قبل الصيفي كنت حاطه إبالي ابلش اشتغل بارت تايم

بس وعليه علي ماكو فجه ساعات ارجع من الجامعه الساعه 7 وين يمديني

يالله سنتين و أنتظروا إسمي بوزارة الطاقه :P~

هذا إذا ما غيرت راي و رحت خاص ..

معنه بخاطري خاص كـ معاش و ترقيات و وضع احسن

بس ما ابي انكرف:$ و أصلا ما ادري شنو الشركات الزينه اللي تشغل مهندسين كمبيوتر

شكلي ببلش ادور من الحين

,,,

أنا ما داومت عشان ما أبي أتكدر رفيجتي تدزلي مسج تقولي

إمتحاني ذاك اليوم 22 من 100avrage

فــ الله يستر شكلي يايبه نص والله غسلت إيدي من هالماده و هالدكتور.

,,,

إعتفس الــمود و أنا ما كملت البوست take care all ;D

و اللي يقرى علقوا يا حافظ شدعوه :PpP~

,,,,

إهـــداء :

liFe iS a lOng journey ....trY tO have fUn and lOve in each step of it ...RoOra...