صباح الخير ..
يا حلو يوم اليمعه .. نقعد من النوم عل راحه لا نحاتي دوام لا نحاتي دكاتره نحس يخلونه نداوم عقب العيد الوطني ..!
الله يرحم أيام الخميس قبل
الساعه 9 ريوق جباتي ونخي و سمبوسه :p
و عقبها نطالع التلفزيون شوي و عقبها بيت اليد ..
الحين لا جباتي لا بطيخ
حتى زرواه يا ربي ما قمت زور .راحت زوارات قبل و وناستها ! الحين اللهم يا كافي كل وحده نافخه روحها على ولا شي
خلوني ساكته بس لا أطب فيهم
أول أمس دكتورنا قال إنه في محاضره من الإسبوع اللي طاف المهم الساعه ثمان و شي واصله الكليه متأخره محاضرتي ثمان و قلت لازم أدش و جذي
رحت الطابق الثالث ركض و حالتي حاله لابسه كعب المهم
أدخل الكلاس يا ربي صبيان و بنات مو معاي ويوه يديده !! و الدكتور مو دكتوري @@ جان أطلع من الجامعه قلت أكيد كسرنا خاطره و ألغى المحاضره
طبعا هذا شي نادر عند دكاترة الهندسه الكهربائيه
اليوم اللي وراه وإلا جم بنت تقولي وي لا حضرنا بس إنه مغير القاعه و كاتبين ورقه عل باب !!
بالله أنا شلون بشوف الورقه إذا الباب مبطل و واحد متسند وراه !!
رحت أدور الدكتور بكلمه الحبيب راد بيتهم !!والله حاله يقعدنا من الصبح الساعه 8 و يحطلي غياب :@
إيه على سالفة الإختلاط بالجامعه :)
الدكاتره عادي عندنا في محاضرات مجبور يخلي بنات و شباب مع بعض
يعني قانونهم خل ينقعونه و يشربون مايه .. و مسابقة أحسن كليه تطبق منع الإختلاط بتفوز فيها الشريعه :p
المهم ما نبي نطول عليكم ...
بس have a nice week-end :):)
saLaM
:D