مســـــــاء الخير :)
من زمان كان بخاطري أسولف ببلوقي بس شكله إطلاقا ماكان يشجع إني أعبر عن مكنونات صدري :p
المهم
عاد اليوم تلحلحت على عمري و سألت شلون يغيرون الــ
background
و ما قصرت معاي أيكونز من المنتدى ساعدتني ...
"بعتبر هذا أول بوست لي هنـــي و ببدي أعرفكم على نفسي "
إسمي :رورا
طالبه في كلية الهندسه و البترول تخصص هندسة كمبيوتر و اللي قرا اللي فوق إني ما عرفت أغير الباك قراوند بيقول الصراحه لايق علي التخصص
المهم ما علينا مالي خلق أفج مناحه على تخصصي اللي ما إخترته !!
عمري عشرين عاما ! و أخيرا دخلنا بالرين وودعنا التعش
اتوقع هذا أغلب الأشياء اللي أقدر أقولها عن نفسي ...واللي حاب يسأل شي ما يردكم إلا
keybord.com
:p
إيــــــــــــه شنو بخاطري أقرقر عنه
الصراحه بقلبي حجي وايد ما أتوقع بيكفيني بوست واحد
و أغلب سوالفي أتوقع بتكون سياسيه طلابيه إجتماعيه
فتحملوا الصداع اللي بيحوشكم مني
اليـــوم ماني مثقله عليكم عشان ما تكرهوني من أول فقره
:p
باجر إنشالله ببدي أقول مواضيع تهمني كفتاة كويتيه عايشه بهالمجتمع
من قانون الأختلاط لي تأبين مغنيه و ردت فعل بعض الناس لي معاناتي مع هالجامعه .. و ممكن إني أتكلم عن الحب
:))
أختصر كلامــــي .. بتهنأه من القلب على هالفرحه اللي تعم الديره و نستنا هالهموم و هالطائفيه اللي طالعه
عيدي ياكويت يا احلى بلد :**~
0 comments:
Post a Comment