إحنا شعب فسقان ..
والله من جد أتكلم .. ما يعجبنى العجب .. دايما نبي الأحسن ما نطالع اللي عندنا!!نشوف وين النقص عندنا و نقارنه بغيرنا !
دايما نتجاهل الأشياء الزينه بديرتنا ...
هالحجي اليوم فكرت فيه من عقب كلام دكتوري ..
قالنا شرايكم بشوارع الكويت !
طبعا الكل ويع كلها حفر مو شي مادري شنو ..
قالنا اللي يقول مو زينه شوارعنا و شوفوا بره الشوارع .
.هذا أساسا مو رايح و مقارن شوارع بره بالديره
وين تلقون ديره حاطه بشوارعها أكثر من حاره ,إمتدادا من العبدلي لي الوفره و الطريج كله إنارات!
!أمريكا و اللي أهيا أمريكا لي رحت بتسافر بين الولايات ! حارتين بس رايح و راد و ماكو إناره !
إحنا شعب إعتمدنا على الحجي
الأغلبيه شتقول إحنا معاهم
الأغلبيه تقول شوارعنا مو شي إحنا نقول بعد
.. ليش ؟ !
عشان والله نبين للناس إنه إحنا واعين و قلبنا عل ديره
!لما صارت حملة ترشيد ..
الكل قال إنها تبذير و مادري شنو و إحنا دوله غنيه لازم ما تنقطع الكهربا علينا
و إحنا نعطي الغرب المفروض إحنا أولى بهالفلوس !!
" و أنا من الناس اللي كنت أتحجى جذي "
بس لما شفت مقابله مهندس مشروع حملة ترشيد ! إنصدمت بشكل مو طبيعي حمله صرفنا فيها مبلغ و قدره ووفرت علينا ملايين الملايين اللي كانت ستبذرحمله تعمل للأمد البعيد..
بس الناس و بالكويت من طبعها الهجوم
على كل شي يحسسهم أنهم
low class
و إنه إحنا مو دره الخليج !
!هالشي ما ننكره في أشياء وايد مو زينه صايره بالديره و الوضع مو شي !
بس من المفروض منه أنه نشد على الناس الزينه اللي تشتغل ..
التحلطم الزايد و النظره المتعاليه !
أهيا اللي بتخلينه بالنازل أكثر..!!
إقتنعوا باللي عندكم
و حاولوا إنكم تشكرون تثنون على الأشياء الطيبه بهالديره
لا تخلون كل شي مو زين عشان نقدر نوصل لمرحله الزين
قواكم الله ..
0 comments:
Post a Comment