●◦● ~ [ليــــت اللي باقـــي من عُمــري ويـــاك]~●◦●

●◦● ~ [ليــــت اللي باقـــي من عُمــري ويـــاك]~●◦●
الجزء الثامن


بصالون لامود باليرموك
ريم : نوووو نوووو ,مابي شي عادي ابي اغير شكلي تماامااا
روان: ريوووم مو حلوه والله تطلعين حق الناس و مكياجج اوفر و شكلج غير , عزيز نفسه بتفرقين معاه
ريم: رووون امه شسوي فيهااا , واااي يا ربي ما تنعمي امه جم ساعه وإلا تفقد الذاكره على ما نخلص
أسماء: هههههه استغفري ربج ,لي انعمت امه السالفه بتطول أكثر
ريم و مغورقه عيونها من الخرعه: والله انتوا مو حاسيـــن فيني , عمري ما حبيت احد بحياتي كثر عزيز , ما ابي زلة لساني تخلينا نفترق
روان و حست بضيقة رفيجتها الكل كان مستهين بالموضوع و ماخذه طنازه بس صج في مجال انه امه تسوي سالفه طويله عريضه و تفرقهم عن بعض: ريوووم
ريم : همم ؟
روان: عسى الله يكتبه من نصيبجج و يجمعه معاج بالحلال قولي امين
ريم استحت و استانست من دعوة رفيجتها اللي طالعه من القلب: اميـــــن رووون اميــــن , و يهدي خالد و يهون عنج
روان و عفست ويهااا من طاري خالد: ذكري ناس سنعه واللي يعافيج
ريم: هههههه شدراني قاعده ادعيلج
و بدخلت فرح الصالوون شاريـــه من فطاير الفرع , و بحلجهاا صمونه: يااا جماعه اليوعان يهجم ,و خزت ريم ... بس اللي مقعديني من الفير و خطبتهم الليله’ مــــــــــــــاكو!!
اسماء: و راحت خمطت الجيس من فرح مســـاع فاخهه نايمه , بس شميتي ريحة فطاير فزعتي
ريم: عطيني فطيرة جبن يوعانه
روان: هههه لا بابا انتي ماكو روحي خل يبلشون يصبغون شعرج , إحنا بنتابع نيولوكج من بعيـــد
فرح ولاهيه بالأكل: والله يبيله بوب كورن ههههه
ريم و سوت روحهااا مو مهتمه قامت و تسويلهم باي باي و استسلمت بدت تصبغ شعرهــــا ......





في مكان ثاني بالمستشفى .....
خالد و مشعل و جراح ... يكملون إجراءات الدفان ... توهم صغار على هالأمـــور مو عارفين شيسون بالضبط ! اول مره يستلمون مثل هالمهمه! و لشخص قريب منهم حيـــل
خالد و قاعد عل كرسي يــــون من الألم بقلبه... الله يرحمك يا جاسم الله يرحمك ... فجأه تذكر روان!! أاااااه يا روان دريتي وإلا ليما الحينج! قالولج اخوج مـــات اخوج اللي كان بيمد إيده عليج بسبتي!!! جاسم اللي كان لها الأبو و الأخو و الصديق و القريب , اخوج يا روان عطاج عمره!!!....
تذكرهـــا تذكر ملامح ويههااا تذكر عيونها تذكر دموعهااا! لا شعوريــا خذا موبايله و اتصل على الرقم اللي حافظه عن ظهر قلب ....!
[روان بالصالون..... انتبهت على موبايلهاا خالد اللي داق و الصبح!! شعنده لايكون بينفذ وعده ! يا ربي يا حبيبي استرني فوق الأرض و تحت الأرض, حطته سايلنت بس خالد مو راضي يسكر!!!.... صكـــت جهازها بكبره
.... ما ابي اخرب على ريم ما ابي اطير هالفرحه اللي بعيونهاااا......... حتى لو انحرمت من هاللحظه ما ابي احرم ريم فرحتهاا .. [
خاااالد و بدى يبجي بصوت عالي اكيد درت اكيد اااااخ يا رواان لو بيدي اشيل كل هموم الدنيا عنج! ااااخ يا روان لو حظناااا احسن من جذي!!.....
مشعل و انتبه على اخوه: طووول بالك يا خالد لااا تبجى والله تعذبه ! يبي دعوتك مو دموعك!!
خالد و بدا يقول كلمات مو مفهوهمه طالعه من قلبه و بحِّرْ دمعه: امهااا ماتت اخوهااا مات ابوهاا تعبان! بدااال ما اريحهااا ازيدهااااا ,, عساني انااا اللي مت ! ليش مو اناا اللي مـــت !
مشعل و مو فاهم منو يقصد اخوه : بنات خالتي؟! شفيهم؟!!... اوووووووووووووف شلون راح عن بالي ابوي قالي اودي امي بيــــت خالتي تقول حق خوات جاسم و مرته!!! اوووف ..... خلووود عطني سويج سيارتك .... و راح عنه...


..... في مطار الكويت الدولي ....
تشيـــر الساعه إلى الواحده ظهرااا ... معلنةَ عن وصول قلب خائب الأمل من ايرلنداا على متن الخطوط الجويه الكويتيه ...
محمد: اوووووف خلصونـــــــا
فراس: شفيك يباا اعصابك عليناا كا خلصنــا ,صاير لاا تطااق
محمد: المهم خلصني برجع البيت دايخ حدي احس مو نايم سنه
فراس بصوت واطي: انت من شفت المزيونه, نمت ولي يعافيك؟
..... طلعوا الشباب من المطار مرهم صاحبهم يوصلهم بيوتهم. الكل كان مستانس و سوالف عن السفره ما عدى محمد اللي كان حااس بضيقه مو طبيعيه ....


بصالوون لامود و الساعه تشير الى الخامسه !
روان تشهـــق بصوت عالي: ياااااااااااا الخبله مو من صجج!!@@
ريم: شنوووو رووون والله خايفه امه تذكرني
روان: هبله انتي مردهاا بتعرفج ! ماله داعي هالخبال
ريم بخرعه : شنو حلوه الصبغه اصلا
روان: والله اذا شافج عزيز بيحس فيج شي!!! هبله صابغه شعرج كله ثلجي؟!
اسماء و حاسه بملل : روان كيفهاا طقاق , لا تحنون قلبتوا راسناا
روان سكتت و خزت ريم خزه خرعتها:...
ريم: شنووو رووون .. لا تخرعيني مو حلو يعني؟ّ
روان: مو سالفة حلو و خايس بس خطبه ماله داعي هالميك اوفر اللي مسويته شخليتي حق العرس؟!
ريم و بخرعه: تدرين لو امه عرفتني عاااادي يصير ماكو لا عرس ولا بطيخ! ادعيلي بس انتي ...
سكتوا ... دفعت ريم حسابهاا و طلعوا من الصالوون ...
فرح : تعااالي صج رووون مساع سويره اختج داقه علي بس ما رديت ما شفته .دقي شوفي شفيها؟! عيزت ادق حاقرتني
روان :عادي سويره كله حاذفه موبايلهاا

وصلت ريم ,روان لي بيتهم ... استغربت روان من هالسيايير اللي بره ..
ريم: تسلميلي رووون اخدمج عرووس انشالله
روان و بــ بضحكة استهزاء: فال الله ولا فالج
ريم تذكرت خالد.. و بصوت واطي : انشالله ما يصير الا الخير



روان ضحكت و صكت باب سيارة ريم... قعدت تتمشى بحوش بيتهم مالهاا خلق تدخل اكيد ناس يايين يتحمدون حق ابوي بالسلامه ... فجأه سمعـــت صراااخ حريم!! انخبص قلبهاااا صوت صيااااح صوت وحده تأأأن من البجي!!!! اخترعت الصوت طالع من بيتنـــا!!! دشت ركض فجت باب الصاله!
انصدمــــــت!! حصه قاعده بالقاع تبجي ! امهاا تحاول تشيلهااا!
ليش خوات حصه لابسين عبي سووود! لااا يكون ابو حصه توفى والا اخوها! بس شكو ياين بيتنــا !...
سكتت تطالع الحريم , اهل حصه..... خالتي! ...
تحاول تفهم السالفه! حصه و خواتهااا يطالعون روان و يزيدون بالبجي!!
حصــه قامـــــت ركض لمــــــــت رواااان: رااااح يااا روان رااااح توه بداا يحس فيني! بدااا يحبني مثل اووووول خذوووه مني راااح عني روااان !!
روان دزت حصه عنها مخترعه تحاول ما تصدق اللي تسمعه! تحاول ما تستوعب شي: شفيج شتخربطين انتي؟!!
حصه و منهاره: رووووان ريلي مـــات!!! ... و قامت تزيد بالبجي...! اخووووج جاسم اخوووج ماااات ماراح نشوفه خلاااص راح عن هالدنيااا!


في بيـــت اهل ريم
ام ريم و مستغربه انه بنته متجاوبه مع سالفة الخطبه على غير عادتهااا: الللله مشالله شحلووووج ريوم تاخذين العقل
ريم وميته من الخرعه: صج يمااا شكلي حلو؟!
ام ريم : مشاللله تبارك الرحمن عيني عليج بااارده صايره قمر طالعه علي ,نفس ملامحي يوم اني كبرج
ريم تضحك: ههه يماا مادري ليش خايفه احس ماراح يعجبهم شكلي
ام ريم بغرور: المنــــه عليهم اذا رضيناا فيهم! بالطقاق جانهم ما يبونج الف واحد يتمنى اشاره منج
ريم بصراااخ:لااااااااا مابي غير عزيز
ام ريم منصدمه من اللي تسمعه: هااااااااااااا ريووووووم تعرفيـــــــــــــن هالريال
ريم حست انها خبصت وااايد: لاااا شكو شعرفني فيه بس احسه خوش واحد
ام ريم: ريوووم تحجي من الحين لا تخليني اصير مسبهه جدام المره
ريم و تتنحش: لاااا يمااا شكو شعرفني فيه من صجج انتي, يلاااا يما خل اكمل لبسي !
ام ريم و حست انه السالفه فيها انه: اوريج يااا ريوم انا اعرف سالفتج عدل.!


راحت ام ريم الصاله تحت : اسووووم وين اللي موصيتهااا تبخر الصاله
اسماء منسدحه على الغنفه: يمااا واللي يعافيج منقلب راسي من الصبح مالي خلق شي...
ام ريم: خلصيني يلاااا كلهااا فحمه و كسرة بخوره شيبيهاااا ,ما الله رزقني ببنات سنعات يشيلون عني الشغل !
اسماء و تتحلطم: خلاص كاااا قمت لا تعصبين علينااا

بدخلت فرح الصاله : يمااا دار محمد مقفوله ليش؟!
ام ريم: ايه توه الظهر واصل من السفر حبيبي
فرح :اياااااا الخاين قافل الباب ما يبينا نشوف الصوغاات
ام ريم: خلي اخوج نايم لا تقعديناااا.. و التفتت على اسمااااء بخري الصالات و ودي البخور حق ريم فوق تتبخر بعد
اسمااااء زادت بالتحلطم : انشالله تاامرين انتي !



.... اذن العشاااا و زادت خرعة ريم بغرفتهااا تدق على روان بس مغلق تدق على ساره ما تشيله
ريم: واي مابي ادق على بيتهم ترد حصووو مالي خلق انفقر!
اسماء: بس عاد ريوم لا تحنين و توترين روحج زياده نطري و انتي ساكته
محمد فج باب غرفة ريم بدون ما يطقهاااا: ايااااااااا قليلة الأدب
ريم و اخترعت :هههههه خرعتناااا يا شقول شفيك!
محمد : لاااا والله تنخطبين من روااي نطرتيني اسافر عشان توافقين عل خطاب
اسماء: مااا صار شي ليمااا الحين خل ايووون الناس و تشوفهم ريوم بعدين يصير خير
محمد: ايه صح جود يرفضون ريوم تخرعهم بهالكشه الصفره اللي على راسهااا
ريم و بتبجي: صج مو حلو شكلي محمد؟!
محمد و كسرت خاطره بس حب يطفرهااا: حدددده جنج سعاد عبدالله بدرس خصوصي
محمد قااااال كلمته و بدت ريـــم بالبجي: برررررررررررره انته مووو اخووو عدووو عدوووو!
محمد :ههههههههههه شسوي انتي تخرعين مع هالعشه اللي فوق راسج
................ اسكتوووا على صوت رنة جرس البيت..........
اسماء: يوووو يوووو ريوم بس سكتي!
محمد :هههههههههههه يلااا خل انزل اقعد مع الحريم تحت
ريم بصوت واطي بس بعصبيه:حموووود و ثول لا تفشلني انثبر بدارك!!!
محمد :هههههه حمدالله و الشكر و طلع عنهاااا


فرح يايه ركض من تحت: ريووووم ريوووم امه و خالاته ثنتين ياييـــــن
ريم: الله يستر ...!!!





نهاية الجزء الثامن سامحوني عل تأخير و القصور ;$