hi
شلونكم شخباركم كلكم اللي قاعدين تقرون ;p
سامحونا على شكل البلوق مبهذل بس انشالله بيتعدل عل العيد :p~
عندي سالفه بقرقر فيهااا
.
.
الناس ليش لقافه و ما يعجبهم العجب؟!
انه على اي شي يبدون رايهم و حتى لو ما طلبنا رايهم و بالعاده رايهم ما يكون إيجابي
.
.
.
.
.
مثالـــــ1ــــ
ـ
ـ
ـبالصالون قاعده اكلم اللي تشتغل انه ابي اسوي جاينيز و اصبغهم
وحده ما اعرفها عيوز ولا تعرفني اوكي قاعده تخز لاحظوا بس تخز
فجأه الخز تحول إلا لقافه
المره: شلون يعني بتسوينهم تاتو؟! ترى حرام و ما يروح و مو حلو ووووووو
أنا : لا مو تاتو صبغ عادي سبوعين و يروح
المره: ايييي صح احسنلج
أنا : ابتسمت
المره : ايــــه عاد ابي اشوف النتيجه شيصير معاج
أنا: إنشاله
:@
و رحت قعدت بعيد عنهااا
اهيا خلصت المفروض تذلف ... الحجيه قعد تدورني و تسأل وين البنيه اللي لابسه نظاره شمسيه @@
يتنــي لي عندي : اشوف شصار عليج
@@ أنا: بقلبي طبعا نعممممممم
المره: ايـــه والله خوش طريقه والله
و أنا سااااكته
المره: ايه بس ترى ماراح يبين حلاته إلا بمكياج
أنا : ايه صح اكيد
المره: مو جنه موضة الحواجب المشقحه راحت
@:@:@:@ أنا : بقلبي ايضا و أنتـــــــــي شكو منو سألج
و بس راحت الحجيه بس امبيه اللي قعددتلي بالبلعوم كل شوي ايه انتي شلون راح تطلعين تحطين كحل عليه ؟!!!!1
@@
اقولها لأ جل..... ويه شنو جل ,جل شعر؟!!!@@ لأ حجيه من فوإيفر ...إيـــه" و بدت العياره " فيه ترى بالفرشه تحطين كحل جربي
يعنـــي فقيره الحجيه يايه تصبغ شيباتها نعم رازه ويهج و تسأليـــن ,بدعت فيني!
رايحه الصبح عن الزحمه طلع الصالون ترسه عيوزات ملاقيف !
.
.
.
.
يعني الشيله مع كبه حدها ترتب شكل الوحده و زقرت و ستايــل ,طبعا إذا كان بطريقه حلوه مو عقيديه!
بس المشكله ويــن لي صار في ناس ملاقيف تقعد تتفلسف و تعلق و تعيب و مردهم يسووون, اللي يقولون
WEEEEE3!
و مردهم يسونها بطريقه عقيديه يعني الواحد لا يعيب على الشي و يسوي نفسه!
ولا اللي لقافه ما يعورج راسج@@
نعمم يعورني راسي ليش شحاطه إنشالله !
لأ بدع هالفئه من البنات يعني تشوف كاريكتارات القلاف و عبالها صج الوحده بتحط قوطي !
.
.
.
.
هذيـــل أخر لقافتين صادفوني و صج نررررفزوني ! إنه لا تعلقين على شي و تعيبين و مردج بتسوينه و لااااااا تتليقفين بشي وحده حابته و تنكدين عيشتها على بو إنه بتفتين و تسوين روحج الخبير الفني الأقتصادي ;s
وبس بردت جبدي إلا شوي :$
.
.
.
إيـه شغله أخيره
شفيهم بناتنا!!! يا مهابيل يتضحكون بصوت مزعج ياا معصبين !
والله شفت وحده معصبببببه بشكل مو طبيعي اللي كل ما طالعت أحد خزته و عكفت حواجبها ياربي شفيكم
ريلااااكس الدنيا ما تسوى هالنفيســــــه كلهاا , بس عاد مو تقعدون تتكعكعون عل رايحه و الراده خووو يعني الناس الصبح مصدعين مالهم خلق فصلتج أجليها لي بعد الظهر و يمكن نتقبلهاا
والله يعني نادر اشوف بنيه ثقيله و وويها بشوش :$ يعني كاني انا اخذوني مثال
LOOL a7bne ;**
و بس طولنا القرقه عليكم
have a nice
غداااااء ;p!
