Friday, October 31, 2008

●◦● ~ [ليــــت اللي باقـــي من عُمــري ويـــاك]~●◦●




●◦● ~ [ليــــت اللي باقـــي من عُمــري ويـــاك]~●◦●
الجزء السابع



ساره و تطق الباب على روان حيل و ميته ضحك : فجي الباب رويينه هههههه
روان تفج الباب مستغربه: شفيج؟!
ساره و تكركر: امبيـــه لا تطوفج حصيص فلم هندي
روان و مو عارفه شتخربط إختها : شنو شصاير
ساره و تقلد حصه شلون تتكلم: سارونه حبيبتي ميخالف تنومين لين عندج الليله
روان : ليش شعندها
ساره و تضحك: لااااا و طافج شكلها فاله الشعر و لابسه ذاك النفنوف القصير
روان و بدت تضحك: عيـــشتو بتسوي إغراءات حق اخوي هههه
ساره : لاا و مطرشه السايق إيبلهــا ورد ههههههه
روان هني ماتت من الضحك: والله حركات بعد ,الحين بــي جاسم و يشخلها
ساره : لا يبا جاسم مو هني رايح الحداق الظاهر بتفاجأه لي رجع ههههه
روان : يبا الله يهنيهم و يفكنا من شر حصوه

و أهما بنص سوالفهم و ضحكهم
حصه : أااا.... بنات
روان شافت حصه ... مشالله يا حصوص طول عمرج حلوه : هلأ
حصه و بخجل : عندكم حمرا حمره؟!
ساره و بس ماتت ضحك : إيــه اكيد عندنا , بس ليش شعندج
حصه و بنعومه و ذرابه : ابيهاا....... لو سمحتي
ساره و مستغربه من الأدب اللي نازل عليها : إيــه ادري تبينها بس شحقه شعندج ؟! بتروحين عرس .. خبري جاسم ما يرضى ههههه
روان و تطالع ساره بعصبيه : تعالي حصه نقي اللي تبينهاا
حصه دشت الدار: ..... شكرا






من جهة ثانيه بــ إيرلندا .....
فراس: والله قتلك بنرد الديره و انته ليما الحينك ما شفتهاا
محمد و معصب حده لا اللي استانس بسفرته ولا اللي شاف البنيه : فرااس لو سمحت إنجعم
فراس : إيـــه يا محمد يا عزيزي إحنا باجر بنسافر و أنته لا شفت المزيونه ولا إستانست بسفرتك ,
محمد طلع من الشقه و أهوه معصب:............
فهد: فرووس وبعدين معاك إيه كيفه الريال حُر بتصرفاته
فراس : مابيه يتعلق بوهم
فهد : و أنتــــه شكووووو ابوه؟ عمه؟ خاله؟ , كيفه اهوه مرتاح جذي يـــه !




خالد منسدح بداره و يطالع السقف سرحان بروان بطيفها اللي ملازمه بكل مكان ينوجد فيه ... أدري يا روان إني اقدر احببج فيني بس انتي عطيني الفرصه!
اغلاطج وايده تصرفاتج كلها غلط بغلط , مو معطتني فرصه ابينلج نيتي !!
... بس والله يا روان ماني مطوفلج هالسوالف ! والله!!!
باجر أخطبج من ابوج و غصبا عليج بتوافقين!
و دور الأسبوع ماخذج ... اسبوع واحد و تصيرين مرتي.!
خالد كانت مشاعره متناقضه يحبها و يموت عليها بس بنفس الوقت مو قادر يسامحها !
زلاتها كبيره بحق قلبه !

[وينهــا عيونك , تعبت من الوله يا حكايات الليالي و الغرام ]
خالد: ألوو
صلاح يبجـــي : ااااالووو خالد إلحقناا
خالد و فز من مكانه مخترع : الووو منو معاااي!
صلااح و الحجي ما يطلع منه : صلاح الــ....
خالد وعرف انه صلاح رفيج جاسم : شفيك شصاير !!!
صلاح و يبجي بجي يقطع القلب : جاسم ولد خالتك عطاك عمره
خالد و مو مستوعب اللي يسمعه : شنوووو شتخربط إنته ,!!!توني عنده
صلاح و يبجي: انااا قتله تعال معانا الحدااق انا اللي قتله انزل البحر ! غرق ياا خالد غرق
خالد و بصوت مخنوق مو مصدق اللي يسمعه عن اخو عمره :شنــــــــــــــــــــــــــو.!!!

طلع خالد من غرفته سحب سوي سيارته معاه .. يركض على الدري ..
أم خالد : بسم الله الرحمن الرحيم ..
خالد شاف أمه بعيون مغورقه يبجي ولد خالته توه صغير ما تهنى بشبابه , توه بادي يكون اسرته, مره و بنت مثل القمر شلون هدهم و راااااح
أم خالد مخترعه من ولدها مسكته من جتفه : خالد وقفت قلبي واحد من أخوانك صاير فيه شي !!
خالد : جاسم يا يما جاسم ولد خالتي !
ام خالد و بخوف: بو لين ؟؟!
خالد و إنهااار من البجي :عطاج عمرره !





بإيرلندا

منال تكلم أمها : إيـــه
I know mam
بس مالي شغل.....
أمها : منال شفيج حايشج عقر بقر, بس بنخطبله محنا مزوجينه الحين
منال: يما مالي شغل ما تسوون شي ليمان نرجع
أم عزيز: منالووو و بعدين معاج بس بنخطب و لي صارت حزة الملجه تعالوا
منال : وااي نحاسته عزوز ما يعرف يصبر شوي على ما أتخرج
ام عزيز: هههه الحُب و بلاويه ما يقدر يصبر
منال: إنزين سألتوا عن البنت عن أهلها؟!
أم عزيز : والله باجر بروح معا خالاتج إنشوفها و عقب بنسأل عنهم عدل إحنا سألنا عن الأهل بس و مدحولنا ياهم
منال: إيه يما سألي عدل لا تخلين , خوفج أخوي طايح على وحده من هالخايسات
أم عزيز و بتخوف من كلام بنتها : هاا لا ما ظنتي بنت حموله البنت, و بعدين أخوج تربيتي ما ظنتي بينقص عليه !



.
.
مــــــا عرفت الحُب قبلك ما عرفته إلا معــاك
شدني للحُب وصلك شدني لأحلى شباك
و بتدت تحلى سنيني تكبر أحلامي في عيني
الله يا زينك حبيبي و ياحلو عمري بهواك
.
.


ريـم تبتسم و تحاول تسكر منبه موبايلها.....
شافت الساعه لقتها 10 الصبح: احلى يوم بحياتي يارب انك تعطيني اللي إبالي يارب لا يصير شي يبعد عزيز عني ! يا رب امه توافق يااا رب
و أهيا تكلم روحها ... فجـأه دق موبايلها
[...يحلمون يحلمون اللي فيك يفكرون , ياخذونك أنته مني والله لو يتجنون ...]
ريم و بإبتسامه شاقه ويهــا : صباح العسل حبيبي
عزيز و مستانس أكثر من ريم: صباح النور خطيبتي
ريم بخجل: ههه إصبر ما صار شي ليما الحين
عزيز و الدنيا مو شايلته من الفرحه: ريووووم بتصيرين مرتي فاهمه شنو مرتي ! حقي أنا بس
ريم و إستحت : عزوووز و بعدين معاك بس عاد
عزيز و بصوت مملوء بالعشق و الهيام بريم : أموت فيج شسوي , حمدي ربج إذا قضبت روحي جدام أهلج
ريم و ماتت من الحيا : يلاااا باي وراي حوسه مابي اكلمك الحين
عزيز و يعرف شلون يحرج ريم: ههههه كشخيلي ما اوصيج
ريم و تضحك على خبال حبيبها : ههه باي قلنا .....


سكرت ريم من عزيز إحضنت موبايلها حيل صوب قلبهاااا .... والله احبك !


......

خالد منهاار بشكل مو طبيعي مو قادر يتخيل انه جاسم مات !
مشاري ولد عم جاسم : يا خالد إذكر ربك و خلنا نفكر شلون بنقول حق عمي بوجاسم
خالد بصراخ : شتقوووله قولي شتقوووله! ولدك الوحيد مات !!!! مو شايف موبايل جاسم فوق الخمسين مس كول ! و كلهم من مرته ! شبتقول حق عمي وإلا حق مرته وإلا حق خواته !!!!

مشاري :لاحوله ولا قوته إلا بالله ......
بوخالد و توه داخل المستشفى معاه عياله جراح و مشعل .... اتجه لي عند خالد و حظنه حيل : عظم الله اجرك يا ولدي
خالد منهار مو عارف شلون يتصرف شايل هم جاسم... يبجي بحرقه : يبااا والله حرام توه صغير جاسم والله صغير
جراح و بصوت مخنوق عارف نوعية العلاقه بين اخوه و ولد خالته : استغفر ربك خلوود كلنا ماشين بهالطريج
خالد و قعد عل كرسي مو قادر يتحجى:..... استغفر الله
مشعل : المفروض تدعيله بالرحمه و المغفره اكثر شي محتاجه منك الحين!
مشاري يتنحنح :...
بوخالد : سامحني يا ولدي ما انتبهت عليك
مشاري : مسموح عمي مسموح !.... يا بوخالد قولنا شلون نتصرف , محد درى من اهل جاسم انه توفى غيرنا احنا! نبي نوصل الخبر حق عمي بوجاسم و اهله بس خايفين يصير بعمي شي
بوخالد و بضيقة صدر: لاحول ولا قوته إلا بالله ,... ماعليك يا مشاري انا الحين امره البيت و اخبره والله يكون بالعون ! مرده بيعرف, الولد مات غرقان يعني شهيــد عند ربه!
مشاري :تبيني أي معاك أنا بالشوفه عمي , بوجاسم كنت معاه طول سفرته و اعرف اتصرف معاه إذا تعب!
بوخالد: خلاص يامشاري إمش معاي لبيت بوجاسم , مشعل خلك هني مع خوانك و حاول تكمل الإجراءات ! نبي الدفان اليوم ....
مشعل : إنشالله لا تشيل هم توكل على الله إنته ...



أسماء و تفج غرفة ريم بدفاشه : صبااااااحيه مباركه يا عروس
ريم : ههههههههه شكوووو صباحيه مباركه يا الهبله
اسماء : مادري شيقولون عيل ؟
ريم: ههه ما يقولون شي
اسماء: المهم يالله قمي امي دازتني تقولج قومي تريقي و روحي الصالون تسنعي
ريم : اوووووله شتسنع توهااا 10
اسماء و بصوت واطي: يا الذكيه روحي حورفي بعمرج بالصالون جود ما تعرفج ام زيزو
ريم و حدهاا خايفه من اللي بيصير : اسوم تهقين ما تعطيني ولدها؟!
اسماء: المنه عليهاااا اذا وافقتي احد يحصله الريم و يردهاا
ريم و تبوس اختهاا حيل : يااا بعد جبدي يا اسوووم
اسماء و تدز اختها : ويععع الله يلوع جبدج وفري قبلاتج الحاره حق ناس غيري ههه
ريم و استحت: بررره يا قليلة الأدب
اسماء: ايـــــــــه يعني مستحيه اصدق
ريم : هههه لا يعني الأصول تقول لازم استحي وإلا انا ويهي عريض , المهم براا خل اكلم روينه تيــي معانا الصالون
اسماء: خلاص اوكيك انا بقعد فروح نروح كلنا معاج , شتبين احسن من هالمووؤازره
.. طلعت اسماء من الغرفه و دقت ريم على روان ...


[لبيـــه ياللي وحدك إن قلت لبيه يذبحني لبيهك و يذبحني الصوت]
روان و قعدت بكسل امس ما نامت إلا الفير : الووو
ريم : وااي يما خرعتيني شاللألوو بتاكلين التلفون
روان و صحصحت من سمعت صوت رفيجتها : هاا يا أم إلسان بشري طلعت النتايج؟!
ريم : اي نتايج؟!
روان : الصيفي
ريم و نست اصلا انها ماخذه صيفي: وووووووووويه ,لااا , مادري اصلا ههه
روان و تبتسم على رفيجتها : شعندها عيل ريم فازعه من الصبح؟
ريم: إحم إحم خو خطبتي الليله
روان و تضحك على رفيجتها : هههه ايييه صح الليله بيشرف استاذ عزيزج
ريم: إحم إخجل ترى :$ ايه عاد شوي و بمرج عشان تين معاي الصالون سامعه حُبي
روان: ريم تدرين الساعه جم الحين؟!
ريم: مالي شغل نص ساعه و انا عندج يلااا بااااااي

روان سكرته و اهيا تضحك على رفيجتها ....




.......
مشاري مع بوخالد بالسياره.... يدق على ابوه يقوله الخبر : الوو صبحك الله بالخير يبا ,...... لا والله كنت بالمستشفى ..... جاسم ولدعمي ........ عطاك عمره!!!!!......
رايجين الحين حق عمي نقوله !..... معاي بوخالد الــ"...."...... انشالله على امرك مع السلامه
بوخالد و اهوه يشوف طريج بيت بوجاسم : الله يرحمه برحمته ....
مشاري: الله يرحمه انشالله , عمي قلت حق ام خالد تروح عند ام لين و خوات جاسم تقولهم؟!
بوخالد يتنهد عقب ما ذكر مرته و حالتها : ايه قتلها اهيا بالطريج ورانا

مشاري و سفط عند بيت بوجاسم : الله يسهل انشالله , حياك عمي ...

مشاري ولد اخو بوجاسم اهوه الولد الوحيد حق ابوه أمه مو كويتيه و كبيره بالسن ...شاب تنطبق عليه مواصفات رجل الأعمال الناجح كون نفسه بنفسه بتجارته الخاصه , خصوصا انه ابوه ريال كبير بالسن متقاعد و على قد حاله .... على عكس بوجاسم اللي كان صاحب عقارات و شركات.....

نزل مشاري مع بوخالد لي البيت توهم بيطقون الجرس شافوا رواان تتكلم بالموبايل تبي تطلع من البيت : الله ياخذ بليسج مهلقه بعمري عشانج خلصينا وينج ههههه

مشاري انكسر خاطره على بنت عمه من الخبر اللي يايبه لهم : السلام عليكم
روان و إنتبهت حق مشاري و بوخالد: و عليكم السلام .... حياكم و فجت لهم الباب تبي تدخلهم الدوانيه ....
بوخالد و بحزن : وينه ابوج روان؟!
روان و مخترعه من شكل ريل خالتها: ااا اتوقع نايم ! عسى ماشر شفيك عمي
توه بيتكلم بوخالد بيقول حق رواان عن الخبر بس قاطعه مشاري: ماااشر بنت العم بس عندنا موضوع مع ابووج ناديلنا ياه
روان: شموضوعه من الصبح خبصتوني
مشاري و يحاول يرقع : تدرين بعد البورصه و مصايبها
روان و تنهدت : ويييييييه انتوا مادري متى بتعترفون انه البورصه مو لكم هههه يلا الحين اناديلكم الوالد



طلعت روان من الدوانيه و قاعده تنادي الخدامه تقعد ابوها: قولي بابا مشاري و بابا بوخالد هني خل يقعد
....... صووووووووت هرن سياره مزعج .............
روان و التفتت على الشارع: ويه ههه نسيتها عل خط
طلعت روان حق رفيجتهااا : اسفه اسفه نسيتج عل خط بس ولد عمي و ريل خالتي ياين
ريم و تعدل نظارتها الشمسيه : ركبي ركبي سمعت القرقه كلهااا
روان: هههه اوكي ... و انتبهت على اسماء و فرح اللي شكلها كان نص نايم... هاااي بنات
اسماء: هلاا روون شلونج
روان: بخير انتي شلونج؟
اسماء: انا تمااام مدام ريووم بتفج عنا و تتزوج هههه
روان : هههه فروووح يا شقول شفيج طاخه
فرح و تنسدح : سكتوااا عني فيني النوم
روان: هههه حاسه فيج والله اختج ما تخلي احد بحاله


حصه قعدت على حوسة بنتها لين بالدار.... قعدت بسرعه و إلتفت على مكان جاسم بالفراش : يمااا ريلي وينه
خذت موبايلهاا و قعدت تدق عليه بس ماكووو ما يرد!!
لين: ماما ابي كيكه
حصه انتبهت على بنتها قاعده تحوس يم العشا اللي كانت مزهبته امس حق جاسم بس ماا يـــا : لاا لين لا تجيسين شي حق بابا هذا

قامت تبدل النفنوف اللي عليها و تغسل ويهاا ......



بوخالد : مشاري ليش ما خليتني اقول حق روان عن اخوهاا؟!
مشاري : ياعمي ما شفتها شلون كانت مستانسه و بتطلع , حراام نضيق خلقها بهالطريقه و الصراحه ما راح نعرف نتصرف معاهاا لي يت ام خالد اهيا تقولها
بوخالد :معاك حق ....

بدخلت بو جاسم الدوانيه : يااا حيا الله من يانا
بوخالد و يقوم يسلم على بوجاسم : يحييك و يخليك
مشاري يبوس راس عمه : شلونك اليوم عمي
بوجاسم: الحمدالله على كل حال...
بوخالد و منزل راسه مو عارف شلون ينقل الخبر حق عديله : ياا بوجاسم
بوجاسم و حس انه في شي ييتهم الصبح و اشكالهم معتفسه اكيد فيه شي : قول يا بوخالد حاس وراكم شي
مشاري و قام قعد يم عمه : ياا عمي انته حسبت ابوي و اكثر والله
بوجاسم: شصاير مشاري قولي
مشاري: الخبر اللي بقولك ياه يبي منك طولة بال و قوة قلب !!
بوجاسم و خذى نفس عميق حاس بمصيبه : قوول مشاري لا تطولهاا
بوخالد و بقلة حيله : جاسم ولدك بولين الله خذى امانتـــه !! شهيـــد يا بوجاسم ! ولدك مات غرقان !
.... خبر نزل مثل الصاعقه على بوجاســـــم !!!!!......
لكن وقعه كان اقوى على حصه طاااحت من طولهاا عند باب الدوانيــــــه



نهاية الجزء السابع : )
كنت بطوله اكثر من جذي بس ما حبيت اطول عليكم
اسفه على التأخير المو طبيعي :$
بس انشالله يعجبكم هالجزء
.
.
لا تبخلون علي برايكم و انتقاداتكم ;*



om mod :
هذا الصوره اللي قتلج عنها :p~






Thursday, October 23, 2008

victorey desigend



توني راسمتها و حدي تشجعت أوريكم ياها عقب مامدحوني :$
رايكم إنتقاداتكم ؟:D
الشعر حدي حاسته حوسه بس هذا احسن شي قدرت عليه عطوني كومنتاتكم لو سمحتوا :p
.
.
.
.
.
.
.
.
.
.

Tuesday, October 21, 2008

قرقــه :D


hi


هالأيام صاير فيني بروود مو طبيعي اللي كله عيزانه و مالي خلق أسوي شي ;X

و big sorry

حق اللي متابعين الروايه و الحين وقفتها صايرلي سبوعين مو كاتبه إلا صفحتين بس واحسه مو شي حلو !

فــ تحملوني شوي :$

و عطوني رايكم هل تبوني أكملها وإلا أوقف ؟



أمبيه صاير فيني كسل مو طبيعي مادري ليش داخل علينا لشتا و بدت حالة البيات الشتوي عندي :/ مادري شسالفتي اللي حتى دوام بالجامعه مالي خلق

لوول من دخلت الجامعه وانا مالي خلقها بس يعني :p~

إنشالله يحوشني شي و أتشجع عل دراسه ;x

أمي إتقول اذا بتغيبين و مالج خلق دراسه نزوجج احسن @@!

فــ احترم نفسي و اداوم احسلي جنه :p~



سالفة ثانيه

ليش لما احب شي او استانس عليه يطلعون فيه امية عذروب !!!!

ولا بسالفة اللبس !

حدي مترفزه اللي رحت السوق ما شريت شي بسبة اختي ويع و ويع ;x!

في بوت حده دش مزاجي يشوق إتقولي ويع جنه مال الأقزام!

اشتري بلوفر شحلاته اتقولي ويع حر !!!! يعني بلوفر اكيد بتحسين بالحر خو حق لشتا :@

اللي اخر شي بدعت شريت حمرا حمره اتقولي ويع بس غيري ستايلج :s

هذي شسوي فيها عطوني حل ;p~





ماخذه ماده تونس سوالف economy ,

وجذي المهم الدكتور قال مقوله قايلها بل غيتس حدي حبيتها

يقول سألوه مره جم يبلغ حسابك بالبنك !

رد على اللي سأله : تبي تعرف جم كان اول ما سألت السؤال و إلا لما خلصته وإلا الحين؟!

أنه مشالله حسابه كل ثانيه يزيد ;pPp~

عاد انا الف ستمية مشروع إبالي بس خل اخلص الجامعه و إنشالله الله يرزقنا بحساب مثل حساب بيل غيتس LOL!




ليش الواحد لي حصل رفيج و حسه اقرب الناس له ينصدم فيه عقب فتره !

ليش الناس ما قاموا يأمنون ببعض ليش الصديق نادر بهالزمن :s

ALAh y5alele mOn mOn lol ;**


أخيرا وليس اخرا

ياربي ليش بنات العلميه ماني قادره اتقبلهم او ابلعهم

ليش الواحد لي خسر يتفلسف وايد و ما يقتنع بالواقع!

فرق 25 وإلا فرق 25000

إحنا الفايزيــــن

صندوق الشباب الزلم على قولتهم خذوا العلميه عااااادي احنا الفايزين :p~~~

7OOOOmeeee9aaaa LOL ;ppPp~



finally

ليش مو راضيه اثبت على هوايه وحده :p~

فوتوشوب , كتابة خواطر, كتابه روايات, رسم , تصميم و البقيه تأتي ;p~





oO bs merce :$








Friday, October 17, 2008

الهندسيه 2008

HeeYaa HeeYaa HeeYaaa HandSiYaaaaaa :D
أقسمنا ان نرجع معقل الهندسه.... نحن الهندسيون أصحاب الهندسه
واحد هو الشعب ولا للطائفيه لا سني ولا شيعي
ها قد إكتسحنا صناديق الهندسه..... نحن الهندسيون أصحاب الهندسه


مبروك الفوووووز حدنا نستاهله ;pPp~

و الأخونجي حرقنـــــــــــــــــــــــــــــــــــــــــاه LOL

Tuesday, October 14, 2008

روحْ زمــاني و أنتهــى !

hOpe you like it ...it's all by Me : )

Wednesday, October 8, 2008

قصي وجهي من الصور و أتركي الباقــــــــي ......

[... لو تعبتي من السفر, همسي, و أشواقي .. أو شكيتي من الضجر ناويه فراقي ..
قصي وجهي من الصور و أتركي الباقــــــــي ......









click for larger size :D







......قصي وجهي و الشحوب و عتمة الماضي الحزين
و أتركي الشمس الطروب و عطر زهر الياسمين أتركي ضي النجوم و طفي أحداقي ....]


Tuesday, October 7, 2008

[..ليت اللي باقي من عُمري ويـــاك ..]

[..ليت اللي باقي من عُمري ويـــاك ..]
إنشالله راح ينزل البارت اليديد يوم السبت : )
ترقبوه ;p~








..

Followers

Quotes

 

RoOra | Creative Commons Attribution- Noncommercial License | Dandy Dandilion تم تعريب القالب بواسطة iCoNzZz